काठमाडौं,१५ माघ । नेपाली कांग्रेसकी सांसद कमला पन्तले गृहिणी महिलाहरुलाई पेन्सन दिने व्यवस्था गर्न प्रस्ताव गरेकी छन् ।
राष्ट्रिय सभाअन्तर्गतको राष्ट्रिय सरोकार तथा समन्वय समितिको सोमबार बसेको बैठकमा बो्ल्दै सांसद पन्तले सो प्रस्ताव गरेकी हुन् ।
सांसद पन्तले भनिन्, ‘घरेलु काममा रहेका महिलाहरुलाई पेन्सनको व्यवस्था हुनुपर्यो । नोमिनल नै किन नहोस् राज्यले त्यो (गृहिणी) महिलाहरुलाई पेन्सन दिने व्यवस्था गर्नुपर्यो ।’
पूर्व महिला बालबालिका राज्यमन्त्री रहेकी सांसद पन्तले बच्चा जन्माउने उमेरका युवाहरु अध्ययन र रोजगारीका विदेश गएको र उनीहरु विदेशमै बस्ने अवस्थाका कारणले नेपालमा युवा जनशक्ति घट्दै गएको बताइन् । यस्तो अवस्थाले भविष्यमा समेत ठूलो असर पर्न सक्ने उनको भनाइ छ ।
