![](https://reportersnepal.com/wp-content/uploads/2024/02/IMG_0490_0-768x576.jpg)
काठमाडौं,२२ माघ । काभ्रेको चौरीदेउराली गाउँपालिकाले सोनाम ल्होछारको अवसरमा तीन दिन सार्वजनिक बिदा दिने निर्णय गरेको छ ।
ल्होछार धुमधाम र हर्षोल्लासका साथ मनाउन पालिकाले बिदा दिएको जनाएको छ ।
गाउँपालिकामा सो अवसरमा आगामी शुक्रबारदेखि आइतबारसम्म सार्वजनिक बिदा दिन लागिएको हो ।
बिदामा पालिका मातहतका सबै वडा कार्यालय, शैक्षिक संस्थालगायत बन्द हुने छन् ।
सोनाम ल्होछार हिमाली क्षेत्रमा बसोबास गर्ने तामाङ, ह्योल्मो तथा अन्य मुख्य जातिहरू को साझा साँस्कृतिक पर्व हो । यो चाड पुरानो वर्षको बाह्रौ महिनाको पहिलो दिन अनौपचारिक रूपमा मनाइन्छ । सोनाम लोसार किसानहरूले बालिनाली उठाएपछि मनाइने चाड हो ।
![](https://reportersnepal.com/wp-content/uploads/2024/02/IMG_20240205_0001-544x768.jpg)