काठमाडौं, २२ माघ । प्रहरी वृत्त थानकोटले लागूऔषध खैरो हेरोइनजस्तो देखिने पदार्थसहित २ जनालाई पक्राउ गरेको छ । आज (सोमबार) काठमाडौंको चन्द्रागिरी– २ नागढुङ्गास्थित चेक प्वाइन्टमा धादिङदेखि काठमाडौंतर्फ आउँदै गरेको ग १ ख ६९०२ नम्बरको सेतो रंगको यात्रुवाहक माईक्रो बसलाई चेकजाँच गर्ने क्रममा प्रहरीले उनीहरुलाई नियन्त्रणमा लिएको हो ।
पक्राउ परेका व्यक्तिहरु नुवाकोट तादी– ६ घर भएका आदम तामाङ र सोही ठाउ वतन भएका दिल बहादुर तामाङ रहेका छन् ।
