काठमाडौं, २४ माघ । निजी तथा आवासीय विद्यालय सङ्गठन (प्याब्सक) ले विद्यार्थीको व्यक्तिगत विकास, मास कम्युनिकेसन सम्बन्धि आधारभूत आवश्यकता, आत्मविश्वासको वृद्धि तथा युवाहरूको क्षमतालाई अभिवृद्धि गर्ने उद्देश्यले पब्लिक स्पिकिङ ट्रेनिङ एण्ड कम्पिटिसन आयोजना गरेको छ ।
पब्लिक स्पिकिङ सम्बन्धी ट्रेनिङ आगामी माघ २५ गते सरस्वती नगर कपनस्थित सगरमाथा एजुकेसनल एकेडेमीको सभा हलमा हुनेछ ।
त्यसैगरी, आगामी माघ २८ गते कम्पिटिसन गराइने प्याब्सकले जनाएको छ । मिस नेपाल २००५ तथा मिडिया प्रोफेसनल सुगारिका केसीको प्रशिक्षण तथा निर्णायक रहने बताइएको छ ।
प्रतियोगितामा सहभागिता जनाउनको लागि प्रतिव्यक्ति एक हजार रुपैयाँ आवेदन शुल्क लाग्ने र विजेताहरूको लागि प्रथम पुरस्कार पाँच हजार नगद, ट्रफी, मेडल, प्रमाणपत्र र द्वितीय पुरस्कार तीन हजार नगद, ट्रफी, मेडल र प्रमाणपत्र प्रदान गरिनेछ ।
