काठमाडौं, माघ २६ । नेपाली कांग्रेसको काठमाडौं जिल्ला सम्मेलन सुरु भएको छ ।
सम्मेलन राष्ट्रिय सभागृहमा बिहान साढे १० बजेबाट सुरु भएको कांग्रेसले जनाएको छ । पार्टी सभापति शेरबहादुर देउवाले सम्मेलनको उद्घाटन गरेका छन् ।
सम्मेलनमा काठमाडौंका १० वटै निर्वाचन क्षेत्रका प्रतिनिधि सहभागी छन् । सम्मेलनले जिल्लामा सङ्गठनको अवस्था, सुधार गर्नुपर्ने पक्षहरू र पार्टीको भावी रणनीतिका विषयमा छलफल गर्ने जिल्ला सभापति कृष्ण बानियाँले जानकारी दिए । उनका अनुसार उद्घाटन सत्रपछि आजै बन्द सत्र सुरु हुने छ ।
