काठमाडौं, २८ माघ । नेपाल खेलकुद पत्रकार मञ्चले हरेक वर्ष आयोजना गर्दै आएको एनएसजेएफ–पल्सर स्पोटर्स अवार्डको २०औँ संस्करणमा पिपल्स च्वाइस अवार्ड टेबलटेनिसकी सिक्का सुवाल श्रेष्ठले पाएकी छन् ।
सुवाल डबल्स स्पर्धाको राष्ट्रिय च्याम्पियन खेलाडी हुन् । उनी राष्ट्रिय खेलकुद प्रतियोगिताको महिला एकल स्पर्धामा तेस्रो भएकी थिइन् । उनले राष्ट्रिय खेलकुद प्रतियोगिताको टिम स्पर्धामा रजत पदक जितेकी थिइन् ।
उनले फुटबलका अनन्त तामाङ, कराँतेका विप्लवलाल श्रेष्ठ, शारीरिक सुगठनकी रजनी श्रेष्ठ र भलिबलकी निरुता ठगुन्नालाई पछि पार्दै उपाधि हात पारेकी हुन् । विजेतालाई बजाज पल्सर मोटरसाइकल पुरस्कार प्रदान गरिने छ । Photo By: Mukunda Kalikote/RN
