काठमाडौं । तेस्रो एकदिवसीय खेलमा नेपालले टस जितेर बलिङ रोजेपछि क्यानडाले ब्याटिङ गरिरहेको छ।
कीर्तिपुरस्थित त्रिवि मैदानमा नेपालले दोस्रो सफलता प्राप्त गरेको छ । खेलको १३ ओभरको अन्तिम बलमा नेपालका आकाश चन्दले विकेट लिएका हुन् । चन्दको बलमा श्रीमन्था विजयरत्ने आउट भएका छन् । उनी २८ बलमा २२ रन जोडेर आउट भए ।
यसअघि आजको खेलमार्फत् डेब्यू गरेका हेमन्त धामीले नेपाललाई पहिलो सफलता दिलाएका थिए । । उनी नेपाली टिमबाट एकदिवसीय खेल खेल्ने ४१औं खेलाडी बनेका छन्। क्यानडाले १५ ओभरमा २ विकेट गुमाउँदा ६१ रन जोडेको थियो।
