काठमाडौं । नेपाल कम्युनिष्ट पार्टी (माओवादी केन्द्र) को स्थायी कमिटी बैठक बसिरहेको छ।
बैठक आज बिहान साढे आठ बजेदेखि पार्टी कार्यालय पेरिसडाँडामा जारी रहेको छ । आजको बैठक नेताहरूको कार्यविभाजन गर्न बसिरहेको हो ।
यसअघि आइतबार बिहान ११ बजे बस्ने भनिएको बैठक अध्यक्ष पुष्पकमल दाहाल प्रचण्ड व्यस्त भएपछि दिउँसो ३ बजेका लागि सारिएको थियो। आइतबार दिउँसो पनि बस्दै नबसी स्थगित भएको बैठक आज बसेको हो ।
आजको बैठकमा अध्यक्ष प्रचण्डले सरकारका कामकाजसहितका विषयमा बोल्ने बताइएको छ।
बैठकमा माओवादीले सञ्चालन गरेको पार्टी रूपान्तरण विशेष अभियानको मूल्याङ्कन, आगामी अभियानको तयारी, नेताहरुको कार्यविभाजन लगायतका विषयमा छलफल हुने छ ।
आजको बैठकमा माओवादीले आगामी चैत १ गतेदेखि तराई-मधेसका जिल्लामा गर्ने भनेको संगठन सुदृढीकरण अभियान, उत्तर–दक्षिण अभियानसहितका विषयमा पनि छलफल हुने बताइएको छ।
