काठमाडौं, २१ फागुन । नेपाल उद्योग बाणिज्य महासंघका केन्द्रीय सदस्य एवं लोमस फर्मास्युटिकल्सका निर्देशक प्रवलजंग पाण्डे ‘कर्पोरेट बिजनेश लिडरशीप अवार्ड’बाट सम्मानित भएका छन् ।
कर्पोरेट मिडिया ग्रुपले आफ्नो १६औँ वार्षिकोत्सवको अवसरमा आइतबार पाण्डेलाई उक्त अवार्ड प्रदान गरेको हो । उनी सिटिजन्स बैंक इन्टरनेशनलका अध्यक्षसमेत हुन् ।
कर्पोरेट मिडिया ग्रुपले आफ्नो १६औं वार्षिकोत्सवको अवसरमा शिक्षा, स्वास्थ्य, पर्यटन, बैंक, इन्स्योरेन्स र नवउद्यमीलगायत विभिन्न क्षेत्रका २९ जना व्यक्ति व्यक्तित्वहरूलाई अवार्ड प्रदान गरेको छ ।
