काठमाडौं, २६ फागुन । सिराहाको गोलबजारमा होटल व्यवसाय सञ्चालन गर्दै आएकी ३२ वर्षीया अनिता कुमारी साहको गएराति विभत्स हत्या भएको छ । आज (शनिबार) विहान होटलभित्रै हत्या भएको अवस्थामा उनको शव फेला परेको हो । मृतक महिलाका पति ३५ वर्षीय महेन्द्र कुमार साह पनि घाइते अवस्थामा फेला परेका छन् । उनको हत्या कसले र किन गर्यो भन्ने खुल्न सकेको छैन ।
हिर्काएर हत्या गरेको अवस्थामा मृतक अनिताको शव फेला परेको प्रहरीले जनाएका छ । मृतक अनिताका पति महेन्द्रको स्थानीय लाइभ लङ हेल्थकेयर गोलबजारमा उपचार भइरहेको छ ।
मृतक अनिताको पोस्टमार्टमका लागि लहान अस्पताल लगिएको छ । घटनामा संलग्न रहेको आशंका प्रहरीले दुई जनालाई नियन्त्रणमा लिएको छ । अचेत अवस्थामा रहेका मृतक अनिताका श्रीमान महेन्द्रलाई पनि प्रहरीले उच्च निगरानीमा राखेको छ ।मृतक अनिता र उनका श्रीमानबीच केही समयदेखि विवाद रहँदै आएको समेत बताइएको छ ।
