काठमाडौं, २७ फागुन । नेपाली कांग्रेसका नेता एवं प्रतिनिधि सभा सदस्य दीपक खड्का पार्टीको केन्द्रीय कार्यसमितिको आमन्त्रित सदस्यमा मनोनित भएका छन् । सभापति शेरबहादुर देउवाले आज उनलाई केन्द्रीय कार्यसमितिको आमन्त्रित सदस्यमा मनोनित गरेका हुन् ।
‘नेपाली कांग्रेसका सभापति श्री शेरबहादुर देउवाले नेपाली कांग्रेसको विधान, २०१७ (संशोधन सहित) तथा नेपाली कांग्रेसको नियमावली २०७६ को नियम ५६ (२) बमोजिम नेपाली कांग्रेस केन्द्रीय कार्यसमितिको आमन्त्रित सदस्य पदमा श्री दिपक खड्का (संखुवासभा) लाई मनोनयन गर्नुभएको छ,’– विज्ञप्तिमा भनिएको छ ।
कांग्रेस संखुवासभा सभापतिसमेत रहेका खड्काले गत असोज १० गते पदबाट राजीनामा दिएका थिए ।
