काठमाडौं, १४ चैत । इलाम–२ को आसन्न उपनिर्वाचनको उम्मेदवारका लागि राष्ट्रिय स्वतन्त्र पार्टी (रास्वपा) बाट ६ जना आकांक्षी देखिएका छन् । जसमा स्वतन्त्र उम्मेदवारी घोषणा गरेका मिलन लिम्बुसहित छन् । पार्टीले आन्तरिक रूपमा प्राइमरी इलेक्सन गरेर उम्मेदवार छनोट गर्ने बताइएको छ ।
प्राइमरी इलेक्सनका लागि गोकुलबहादुर राई, जमुना शर्मा, महेन्द्रकुमार थापा, मानबहादुर घिमिरे, मिलन लिम्बू र डा.शेषरमण न्यौपानेले उम्मेदवारी दर्ता गराएका छन् ।
छ जना आकांक्षी भएपनि मिलन लिम्बुलाई नै अगाडि बढाउने रास्वपाको तयारी रहेको बताइएको छ ।
