काठमाडौं, २५ चैत । रामेछापको खाँडादेवी गाउँपालिका–९ पिङखुरीबाट काठमाडौंका लागि छुटेको टाटासुमो दुर्घटना भएको छ । काठमाडौंका लागि छुटेको ना.१ज ५६२६ नम्बरको टाटासुमो सोही पालिकाको वडा नं. ८ भदौरेमा दुर्घटना भएको हो ।
दुर्घटनामा एकै परिवारको तीन जना घाइते भएका छन् । घाइते हुनेहरूमा २४ वर्षीय दीपेन्द्र भण्डारी, १६ वर्षीया एलिसा भण्डारी र १४ वर्षीया एमुना भण्डारी छन् । उनीहरु मध्ये दीपेन्द्रको अवस्था गम्भीर रहेको छ । गम्भीर घाइते भएका दिपेन्द्रलाई उपचारका लागि ललितपुरको बी एण्ड बी अस्पतालमा पठाइएको छ ।
