राप्रपाले पार्टीनिकट भूतपूर्व सैनिकहरुलाई सडकमा उतार्यो, सभालाई अध्यक्ष लिङ्देनले सम्बोधन गर्ने

काठमाडौं, २५ चैत । राष्ट्रिय प्रजातन्त्र पार्टी (राप्रपा) निकट भूतपूर्व सैनिकहरुको संगठन राष्ट्रिय प्रजातान्त्रिक भुतपुर्व सैनिक संगठनको प्रदर्शन काठमाडौंमा सुरु भएको छ । काठमाडौंको भृकुटीमण्डपबाट सुरु भएको उक्त प्रदर्शनमा तीन हजार भूतपूर्व सैनिकहरु सडकमा निस्किएका दाबी गरिएको छ ।

भुपु सैनिकहरु दौरासुरुवाल र ढाका टोपी लगाएर प्रदर्शनमा उत्रिएका छन् । भृकुटीमण्डपबाट सुन्धारा, रत्नपार्क, पुतलीसडक हुँद पद्मोदय स्कुल अगाडि सभामा परिणत हुने बताइएको छ । उक्त सभालाई राप्रपाका अध्यक्ष राजेन्द्र लिङ्देनले सम्बोधन गर्ने बताइएको छ ।

राप्रपाले आगामी चैत २७ गते काठमाडौंमा वृहत जनप्रदर्शन गर्दैछ । पार्टीको जनप्रदर्शन अगाडि राप्रपाले आफू निकट भूतपूर्व सुरक्षाकर्मीहरुलाई सडकमा उतारेको हो । प्रदर्शनमा राप्रपाका वरिष्ठ नेता पशुपति शमशेर जवरा पनि सहभागी छन् । Photo By: Arun Karki/Reporters Nepal