काठमाडौं, १२ वैशाख । नेकपा (एमाले) का अध्यक्ष केपी शर्मा ओलीले आफूले सुहाङ नेम्वाङको विजय सुनिश्चित पाएको बताएका छन् । आज (बुधबार) इलामको चुनावी सभालाई सम्बोधन गर्दै उनले आगामी उपनिर्वाचनमा सुहाङको जित सुनिश्चित रहेको बताएका हुन् ।
‘मैले सुहाङ नेम्वाङको जीत सुनिश्चित पाएँ,’– ओलीले भने ।
साथै, नेपाली कांग्रेसका सभपति शेरबहादुर देउवा पाँच पटक प्रधानमन्त्री बन्दा एउटा पनि सम्झन लायक काम नगरेको टिप्पणी गरेका छन् । एमालेबाट प्रधानमन्त्री बनेका नेताहरुले सबैले राम्रो काम गरेको उनको दाबी छ । एकल महिला, जेष्ठ नागरिक, अभिभावक नभएका बालबालिका, सडक बालबालिकाको पक्षमा एमालेले उल्लेखनीय काम गरेको उनले बताए । देशमा कम्युनिष्ट सरकार हुँदा कोही भोकै मर्न नपर्ने उनको उद्घोष छ ।
