काठमाडौं । बंगलादेशमा जारी अन्डर-१९ भलिबल प्रतियोगितामा नेपाल फाइनलमा प्रवेश गरेको छ ।
आज भएको सेमीफाइनल खेलमा नेपाली टिमले बंगलादेशको बी टिम लाई ३-० को सोझो सेटमा पराजित गर्दै उपाधि नजिक पुगेको हो ।
नेपालले बैगलादेशलाई २५-१६ ,२५-२१ ,२५-२१० पराजित गर्दै फाइनल प्रवेश गरेको हो ।
राजधानी ढाकामा जारी प्रतियोगितामा नेपाली टोलीको यसअघि माल्दिभ्सलाई पराजित गर्दै सेमिफाइनल यात्रा तय गरेको थियो ।
नेपाली टोलीमा इज्जत दनै, सुरेश मल्ल, यज्ञराज जोशी, अबिशेक थापा, पुष्कल थापा, दिपेन थापा, पहल गहतराज, राजकुमार रोकाया, सुनिल बोहरा, शशि पुलामी मगर र भुवन तामाङ रहेका छन् ।
त्यसैगरि टिम व्यवस्थापनमा उत्सव खड्का प्रशिक्षक, जनक बहादुर खड्का सहायक प्रशिक्षक र दीपक थापा म्यानेजर रहेका छन् ।
