काठमाडौं,२१ वैशाख । अमेरिका र वेष्ट इन्डिजले संयुक्तरुपमा आयोजना गर्न लागेको आईसीसी टी-२० विश्वकप क्रिकेटमा सहभागी हुन जाने खेलाडीलाई नेपाल प्रहरीले शुभकामना व्यक्त गरेको छ ।
क्लबमा आवद्ध ६ जना खेलाडीलाई आज प्रहरीले बिदाई तथा शुभकामना व्यक्त गरेको हो । नेपाली टिम आज साँझ विश्वकप खेल्न अमेरिका प्रस्थान गर्दैछ । नेपाली टिमका खेलाडीलाई प्रहरी महानिरीक्षक बसन्तबहादुर कुँवरले शुभकामना व्यक्त गरेका छन् ।
पुलिसका कुशल भुर्तेल, दीपेन्द्रसिंह ऐरी, करण केसी, गुल्सन झा, सागर ढकाल र ललित राजवंशीले विश्वकप खेल्ने टोलीमा स्थान बनाएका छन् ।
शुभकामना तथा विदाइ कार्यक्रममा करण केसी र सागर ढकाल उपस्थित थिएनन् ।
