काठमाडौं,२७ वैशाख । बालमन्दिरको जग्गा हिनामिना प्रकरणमा तत्कालीन पदाधिकारीसहित २० जनाविरुद्ध पक्राउ पुर्जी जारी भएको छ ।
प्रहरीको केन्द्रीय अनुसन्धान ब्यूरो (सीआईबी) ले २० जनाविरुद्ध पक्राउ पुर्जी जारी गरेको हो । पक्राउ पुर्जी जारी हुनेहरुको नाम गोप्य राखिएको छ । ०२१ सालमा नक्सालस्थित ‘सीता भवन’ अधीग्रहण गरेर सरकारले नेपाल बाल संगठन अर्थात् बालमन्दिरका नाममा करिब १२० रोपनी जग्गा राखेको थियो । सोही जग्गा दुरुपयोग गरिएको खुलेको छ ।
यसबारे सिआइबीले केही समयअघि देखि नै अनुसन्धान थालेको थियो।
बालमन्दिरको जग्गा दुरूपयोग भएको भन्दै उजुरी परेको थियो। केही जग्गा बृहस्पति विद्या सदनलाई सस्तोमा लिजमा दिइएको पनि उजुरी छ।
