काठमाडौं, ६ जेठ । नेपाली कांग्रेसका महामन्त्री गगनकुमार थापाले नेकपा (एमाले) र उपप्रधान एवं गृहमन्त्री रवि लामिछानेबीच सहकारी र गिरीबन्धु टि स्टेट जग्गा हिनामिना प्रकरणमा सहमति भएको आरोप लगाएका छन् । आज (आइतबार) आकस्मिक पत्रकार सम्मेलन गर्दै महामन्त्री थापाले यस्तो आरोप लगाएका हुन् ।
‘उहाँ (रवि) ले मेरो बारेमा बन्ने समितिमा म बस्न पर्दैन भन्नुभयो । तपाईँ बस्न पर्दैन । तपाईको काम अब नेकपा (एमाले) ले गर्दिन्छ । किन कि तपाईँहरुको बीचमा राम्रो सहमति बनेकै छ । एमालेले सहकारी नउठाउने, तपाईँले गिरीबन्धु नउठाउने,’– उनले भने ।
साथै, उपप्रधान एवं गृहमन्त्री लामिछानेले आफूमाथि लगाएका सबै आरोपमा समिति बनाएर छानविन गर्न उनले चूनौति दिए । ‘आज उहाँले जुन–जुन विषयमा समिति बनाउने भन्नु भएको छ, बनाए हुन्छ,’– उनले भने । Photo By: Mukunda Kalikote/Reporters Nepal
