काठमाडौं,११ जेठ । नेपाली कांग्रेससहितका प्रतिपक्षी दलको बैठकले सदनको अवरोध कायमै राख्ने निर्णय गरेका छन् ।
शुक्रबार प्रतिनिधिसभा बैठक सुरु हुनुअघि नयाँ बानेश्वरस्थित कांग्रेस सभापति शेरबहादुर देउवाको कार्यकक्षमा बसेको विपक्षी नेताहरुको बैठकले संसद्को गतिरोध जारी राख्ने निर्णय गरेको हो।
विपक्षी दलहरूले संसद् बैठकमा अवरोध गर्दै आएका छन्।
प्रमुख प्रतिपक्षी दल नेपाली कांग्रेसले उपप्रधान एवं गृहमन्त्री रवि लामिछानेको समेत संलग्नता रहेको भन्दै संसद् अवरोध गर्दै आएको छ।
संसदीय छानबिन समिति बनाउने निर्णय भएपनि टीओआर (कार्यादेश) मा सहमति नजुट्दा कांग्रेसले अवरोध कायमै राखेको छ।
