काठमाडौं । नेकपा माओवादी केन्द्रका प्रमुख सचेतक हितराज पाण्डेले आगामी आर्थिक वर्षको बजेट सदनबाट आउने दाबी गरेका छन् ।
आज बसेको प्रतिनिधि सभाको बैठकपछि सञ्चारकर्मीसँग कुराकानी गर्दै पाण्डेले सदनमा देखिएको गतिरोध हटेर जेठ १५ गते यहि संसद्मा नै बजेट सार्वजनिक हुने दाबी गरे । उनले सरकारले संसद्को अधिवेशन अन्त्य गरेर अध्यादेशको बाटो नरोज्ने पनि जिकिर गरे ।
उनले भने, ‘सहकारीको विषयमा उठेको समस्या समाधान गर्नको लागि कार्यदलले काम गरिरहेको छ। सहमति जुटाउन सरकारको तर्फबाट प्रधानमन्त्रीले प्रयत्न गरिराख्नुभएको छ। सदन चलिरहेको बेलामा बजेट अध्यादेशबाट ल्याउने कुरा हुँदैन।’
