![](https://reportersnepal.com/wp-content/uploads/2024/06/9ba31e1b-2b1f-49a5-a3cf-9eb921feee40-768x512.webp)
काठमाडौं । सहकारी संस्थाहरूमा भएको बचत रकम दुरुपयोग सम्बन्धमा छानबिनका लागि गठित संसदीय विशेष समितिको बैठक जारी छ ।
संसद् भवन बानेश्वरस्थित शंकर हलमा समितिको बैठक बसिरहेको हो । सत्तापक्ष र प्रतिपक्षबीचको लामो रस्साकस्सीपछि सहकारी ठगी प्रकरण छानबिनका लागि गठित ‘संसदीय छानबिन विशेष समिति’ ले काम थालिसकेको छ ।
सत्ता साझेदार नेकपा एमालेका सांसद सूर्यबहादुर थापा क्षेत्रीको संयोजकत्वमा गठित समितिले सहकारी ठगी प्रकरण छानबिनका लागि काम थाल्न कार्यालय पनि व्यवस्थापन भइसकेको छ ।
संसदीय समितिको आग्रहअनुसार सभामुख घिमिरेले कार्यालय र आवश्यक कर्मचारी व्यवस्थापन गर्न संसद सचिवालयका महासचिव पद्मप्रसाद पाण्डेयलाई निर्देशन दिइसकेका छन् ।
संसदीय समितिले आइतबारदेखि सहकारी प्रकरणको छानबिन थाल्ने
सभामुख घिमिरेको निर्देशनमा संसदीय समितिका लागि कार्यालय व्यवस्थापन र कर्मचारी खटाउने काम महासचिव पद्मराज पाण्डेयले गरिसकेका छन् ।
सहकारी ठगी प्रकरण छानबिनका लागि सरकारले जेठ १५ गते ७ सदस्यीय संसदीय समिति गठन गरेको थियो । समितिमा प्रमुख प्रतिपक्षी नेपाली कांग्रेस र सत्तारुढ नेकपा एमालेबाट दुई–दुई र नेकपा माओवादी केन्द्र, राष्ट्रिय स्वतन्त्र पार्टी तथा राष्ट्रिय प्रजातन्त्र पार्टीबाट एक–एक जना सांसद राखिएको छ ।
समितिमा कांग्रेसबाट बद्रीप्रसाद पाण्डे र ईश्वरीदेवी न्यौपाने, एमालेबाट थापाक्षेत्री र सरिता भुषाल, माओवादी केन्द्रबाट लेखनाथ दाहाल, राष्ट्रिय स्वतन्त्र पार्टी ९रास्वपा० बाट शिशिर खनाल र राष्ट्रिय प्रजातन्त्र पार्टी ९राप्रपा० बाट ध्रुवबहादुर प्रधानलाई राखिएको छ ।
संसदीय समितिको कार्यादेश तय गर्न गठित कानुनमन्त्री पदम गिरी संयोजकत्वको कार्यदलले प्रतिनिधिसभा नियमावली २०७९ को नियम १८० बमोजिम ‘सहकारी संस्था बचत रकम दुरुपयोग सम्बन्धमा संसदीय छानबिन विशेष समिति’ गठन गरेको थियो ।
उक्त कार्यदलले संसदीय छानबिन समितिका लागि चार बुँदे कार्यादेश तयार गरेर जेठ १५ गते नै प्रतिवेदन प्रधानमन्त्री पुष्पकमल दाहाल ‘प्रचण्ड’ लाई बुझाएको थियो ।
तस्बिरहरु मुकुन्द कालिकोटे रिपोर्टर्स नेपाल
![](https://reportersnepal.com/wp-content/uploads/2024/06/ade1aa8b-7705-4eab-a19b-7c7dcfe6cc9f-768x512.webp)
![](https://reportersnepal.com/wp-content/uploads/2024/06/838f52fb-8715-4ad0-b507-e65005ceef72-768x512.webp)
![](https://reportersnepal.com/wp-content/uploads/2024/06/9ba31e1b-2b1f-49a5-a3cf-9eb921feee40-768x512.webp)
![](https://reportersnepal.com/wp-content/uploads/2024/06/b05123d5-3cd2-45f4-abb9-60663a1515bb-768x512.webp)
![](https://reportersnepal.com/wp-content/uploads/2024/06/4fe3f1b6-c037-49e3-aa80-ee50ebb99fd9-768x512.webp)
![](https://reportersnepal.com/wp-content/uploads/2024/06/88d9ca47-42f3-4a44-bdc3-bdd0ce2a0a02-768x512.webp)