![](https://reportersnepal.com/wp-content/uploads/2024/06/Prakash-mani-sing-raut_RUQB1I4utz_r58ewovon4jffcsz4fpfzv1zp7koedj0pjbifzxzbcewjw1wy30iusf40tye_WUhiKcibj3_lspywivj4kjmmbz7jqsquwtgpo3vzhu2sh3yw5rovvbgbeeuz2lfmylnikcd.jpg)
काठमाडौं । सर्वोच्च अदालतका न्यायाधीश प्रकाशमानसिंह राउत न्याय परिषद्को सदस्य नियुक्त भएका छन् ।
परिषद् सदस्य रहेका सर्वोच्च अदालतका वरिष्ठतम् न्यायाधीश डा। आनन्दमोहन भट्टराईको एक असारमा उमेरहदका कारण अनिवार्य अवकाश भएपछि राउत डा।भट्टराईको ठाँउमा नियुक्त भएका हुन् ।
राउतलाई परिषद् अध्यक्ष प्रधानन्यायाधीश विश्वम्भरप्रसाद श्रेष्ठले आइतबार (आज) परिषद् सदस्य नियुक्त गरेका हुन् ।
२०७३ साल साउनमा सर्वोच्चको न्यायाधीशमा नियुक्त भएका राउत प्रधानन्यायाधीश बन्ने लाइनमा छन् । वर्तमान प्रधानन्यायाधीश श्रेष्ठले १९ असोजमा उमेर हदका कारण अनिवार्य अवकाश लिएपछि राउत २० असोजमा प्रधानन्यायाधीश बन्ने छन् । राउत करिब १८ महिना सर्वोच्चको प्रधानन्यायाधीश हने छन् ।