काठमाडौं, ३१ असार । निवर्तमान उपप्रधान एवं गृहमन्त्री रवि लामिछानेले नवनियुक्त प्रधानमन्त्री केपी शर्मा ओलीलाई सफल कार्यकालको शुभकामना दिएका छन् । हिजो (आइतबार) प्रधानमन्त्रीमा नियुक्त भएका ओलीले आज पद तथा गोपनीयताको शपथ लिएका हुन् ।
प्रधानमन्त्री ओलीसहित सिङ्गो मन्त्रिपरिषद्लाई शुभकामना दिँदै उनले भनेका छन्, ‘नवनियुक्त प्रधानमन्त्री श्री केपी शर्मा ओलीज्यू सहित सम्पुर्ण मन्त्रिमण्डललाई सफल कार्यकालको शुभकामना। हामी भ्रष्टाचार र विचलनका मुद्दामा निर्मम ढंगले प्रस्तुत हुनेछौं भने सुशासन र समुन्नतिका विषयमा सहकार्य गर्न तयार रहनेछौं।’
