![](https://reportersnepal.com/wp-content/uploads/2024/07/Sher-Bdr-Deuwa-1-768x512.jpg)
काठमाडौं, ६ असार । नेपाली कांग्रेसका सभापति शेरबहादुर देउवाले कांग्रेसीहरु पढ्दैनन् भन्ने भाष्य चिर्न जरुरी रहेको बताएका छन् । आज (आइतबार) ४२औँ बीपी स्मृति दिवसको अवसरमा नेपाली कांग्रेस केन्द्रीय पुस्तकालय शुभारम्भ कार्यक्रमलाई सम्बोधन गर्दै उनले कांग्रेसीहरुले अध्ययन गर्ने बानी बसाल्न जरुरी रहेको बताएका हुन् ।
सभापति देउवाले पुस्तकालयमा सबैले पढ्ने वातावरण बनाउन पनि आग्रह गरे । ‘एउटा भन्ने चलन छ, कांग्रेसले पढ्दै पढ्दैन भनेर। अब लाइबेरी भएपछि अवश्य नै पढ्नुहुनेछ भन्ने मलाई लाग्छ,’– उनले भने ।
सभापति देउवाले वीपीको योगदानको स्मरण गर्दै उनको योगदान राजनीति, साहित्यलगायतमा विधामा रहेको बताए । विपीले आफ्नो जीवन राजनीतिक सिद्धान्त स्थापित गर्न र मुलुकलाई जुनसुकै बलिदानी दिन तयार भएर विताएको उनले बताए ।
![](https://reportersnepal.com/wp-content/uploads/2024/07/Sher-Bdr-Deuwa-2-768x512.jpg)
![](https://reportersnepal.com/wp-content/uploads/2024/07/Sher-Bdr-Deuwa-3-768x512.jpg)
![](https://reportersnepal.com/wp-content/uploads/2024/07/Sher-Bdr-Deuwa-4-768x512.jpg)
![](https://reportersnepal.com/wp-content/uploads/2024/07/Sher-Bdr-Deuwa-5-768x512.jpg)
![](https://reportersnepal.com/wp-content/uploads/2024/07/Sher-Bdr-Deuwa-6-768x512.jpg)