काठमाडौं । इन्जिनियरिङ पेसासंगै गीत संगितमा रुची राख्ने अनिल पौडेलको अभिनय रहेको तीज गीत ‘नक्कले साईली’ सार्वजनिक भएको छ । गाउँघरमा भाकालाई टपक्क टिपेर गीत सिर्जना गर्न खप्पिस गायक तथा सर्जक मोतिराज खनाल र कल्पना विष्टले यो गीत गाएका छन् । गीतको शब्द र संगीत खनाल स्वयमको रहेको छ ।
गीतको भिडियो सुरज खनालले निर्देशन गरेको यस गीतको संगीत संयोजन रमेश सेन्चुरीले गरेका छन् । म्युजिक भिडियोमा पौडेलसँगै भुवन पोखरेल, जुना कार्की र सुबुही शाहीले अभिनय गरेका छन् । लामो समयदेखि इन्जिनियरिङ पेशामा रहेका पौडलेले नेपालको मौलिक गीतसंगित, गाउँघरका भाका तथा कला संस्कृतिको जगेर्ना गर्न गीत मार्फत केही प्रयत्न गरेको बताए ।
मौकिल भाकाहरुलाई अघिल्लो पुस्ताबाट नयाँ पुस्तामा पुस्तान्तरण गर्न युवाहरुको विशेष भूमिका रहने भएकाले मुख्य पेशाबाहेक गीत संगितमा आफ्नो विशेष रुची रहेको बताए । संसा फिल्मस् युट्युब च्यानलबाट गीत सार्वजनिक भएको केही दिनमै निकै लोकप्रिय भएको गायक खनालले बताए ।
हिन्दु नारीहरुको महान चाड हरितालिका तिज नजिकिदै गर्दा बुधबार विशेष कार्यक्रमका बीच उक्त गीत सार्वजनिक गरिएको हो ।
