काठमाडौं, भदौ १३ । सर्वोच्च अदालतमा नेपाल प्रहरीका उच्च अधिकृतले दर्जागत उमेरहदका कारण गरिएको अवकाश रोक्न आदेशको माग गर्दै दायर गरेको रिट प्ररम्भिक सुनुवाइका लागि पेशी तोकिएको छ । सो रिट न्यायाधीश सारङ्गा सुवेदीको इजलासमा परेको छ ।
नेपाल प्रहरीका एआईजी श्याम ज्ञवालीसहित पाँचजना अधिकृतले उमेरहदका कारण गरिएको अवकास रोक्न रिट निवेदन दायर गरेका थिए ।
प्रहरी नियमावली–२०७१ अनुसार इन्स्पेक्टर ५२ वर्ष र डीआईजी तथा एआईजी ५६ वर्ष उमेर पूरा भएमा अवकाशमा हुने व्यवस्था रहेको छ । अदालतमा विचारधीन मुद्दाहरू रहेको हुँदा दर्जागत उमेरहका कारण गरिएको अवकाश रोक्न रिट निवेदनमा माग गरिएको छ ।
