काठमाडौं, २२ भदौ । प्रतिनिधि सभाअन्तर्गतको अर्थ समितिका सभापति सन्तोष चालिसेले नेपाली कांग्रेस र नेकपा (एमाले) मिलेर सरकार बनाउनुको मुख्य उद्देश्य देशलाई निकास र विकास दिनु रहेको बताएका छन् । आज (शनिबार) नेपाली रेडियो नेटवर्कको नेपाली बसहमा पत्रकार ऋषि धमलासँग संवाद गर्दै उनले अब वर्तमान सरकारले निराशालाई आशामा बदल्नुपर्ने बताएका हुन् ।
‘गुमेको विश्वास फर्किँदै आएको छ । यसले सकारात्मक सूचक दिँदै आएको छ । राम्रोतिर लम्किँदै आएको छ । कांग्रेस–एमाले गठबन्धनको विकल्प छैन । छ केही विकल्प ? कसैले पत्याउँछ ? जे गर्छ यसैले गर्छ,’– उनले भने ।
नेता चालिसेले जुन सरकार आए पनि जनताको लागि केहि भएन, देश विकाश भएन भन्ने भाष्य वर्तमान सरकारले मेट्न सक्नुपर्ने उनको भनाइ छ । उनले अहिले कांग्रेस–एमाले सरकारको विकल्प नरहेको बताउँदै ०८४ सम्म यही गठबन्धन रहने बताए ।
