काठमाडौं, ३ कार्तिक । राष्ट्रिय स्वतन्त्र पार्टी (रास्वपा) का सभापति, पूर्व उपप्रधान एवं गृहमन्त्री रवि लामिछानेको पक्राउ विरुद्धमा आज पोखरा र काठमाडौैमा प्रदर्शनको तयारी रहेको छ । रास्वपाका नेता तथा कार्यकर्ता र समर्थकहरुले आज ११ बजे पोखराको चिप्लेढंगास्थित मानवअधिकार चोक र काठमाडौंको माइतिघरमा दिउँसो १ बजे प्रदर्शन गर्न लागेका हुन् ।
पूर्व उपप्रधान एवं गृहमन्त्री लामिछानेविरुद्ध कास्की जिल्ला अदालतबाट पक्राउ पुर्जी जारी भएको छ । त्यसलगत्तै नेपाल प्रहरीको केन्द्रीय अनुसन्धान व्यूरो (सीआईबी) ले लामिछानेलाई पक्राउ गरेको थियो ।
लामिछानेलाई राजनीतिक प्रतिशोधका आधारमा पक्राउ गरिएको रास्वपाका नेताहरुले बताउँदै आएका छन् । सहकारी ठगी सम्बन्धी छानविन गर्न बनेको संसदीय विशेष समितिले सहकारी ठगीमा संलग्नता नरहेको भनी प्रतिवेदन दिँदा पनि लामिछानेलाई पक्राउ गरिएको उनीहरुको भनाई छ ।
