काठमाडौं । नेपाल समाजवादी पार्टी (नयाँ शक्ति) का संयोजक डा बाबुराम भट्टराईले नेकपा माओवादी केन्द्रका अध्यक्ष पुष्पकमल दाहाल प्रचण्डसँग अब आफू कहिल्यौ पनि नझुकिने टिप्पणी गरेका छन् । प्रचण्डले सबैलाई सबैलाई सधैंभर झुक्क्याउन खोजेको उनको भनाइ छ।
प्रसिद्ध भनाइ छ भन्दै उनले भनेका छन् ‘सबैलाई केही समय झुक्क्याउन सकिन्छ । केहीलाई सधैंभर झुक्क्याउन सकिन्छ । तर सबैलाई सधैंभर झुक्क्याउन सकिन्न । परन्तु लामो सत्ताले मदहोश भएका प्रचण्ड जस्ता केही मान्छे ठान्दछन् । सबैलाई सधैंभर झुक्क्याउन सकिन्छ। उनको पछिल्लो हर्कत त्यसैको दसी हो’।
पूर्व प्रधानमन्त्रीसमेत रहेका डा भट्टराईले प्रचण्डसँगको ३५ वर्षे अनुभव भन्दै थप भनेका छन् ‘अब उनीबाट झुक्किने नझुक्किने सबैले आफैं सोच्ने कुरा हो। मैले त ३५ बर्षको प्रत्यक्ष अनुभव पछि गम्भीर आत्मसमीक्षा सहित अब कहिल्यै नझुक्किने प्रण गरेको छु’।
