काठमाडौं । आफूलाई झाँक्री दाबी गर्ने प्रकाश भुजेलले चलाएको कारको ठक्करबाट घाइते भएका मोटरसाइकल चालकको मृत्यु भएको छ । बुधबार दिउँसो काठमाडौंको थलीबाट साँखुतर्फ आउँदै गरेको प्रकाश भुजेलले चलाएको बा १९ च २६९५ नम्बरको कारले सोही दिशातर्फ आउँदै बा प्र ०२–०१८ प ६८७५ नं को मोटरसाइकललाई ठक्कर दिएको थियो।
भुजेलले चलाएको कारको ठक्करबाट कागेश्वरी मनोहरा नगरपालिका २ का नारायण नगरकोटी सख्त घाइते भएका थिए । उनको आज उपचारको क्रममा निधन भएको छ । मोटरसाइकलको पछाडि बसेकी उनकी श्रीमती अन्दाजी ३२ वर्षीया किसानुमाया नगरकोटी गम्भीर घाइते भएकी छन्।
कार दुर्घटना गराएर झाँर्की फरार भएका थिए । पछि प्रहरीमा उनले आत्मसर्मपण गरेका थिए । दुर्घटनापछि बुधबार दिउँसो जोरपाटी क्षेत्रबाट पक्राउ परेका भुजेलको साथमा लाइसेन्स नभेटिएपछि प्रहरीले अनुसन्धान अघि बढाएको हो । झाँक्री अहिले प्रहरी वृत्त बौद्धको हिरासतमा छन् ।
