काठमाडौं । माइतीघर मण्डलामा सहकारी पीडित र प्रहरीबीच झडप हुँदा घाइते भएकाहरूको प्रदर्शनमा पूर्वगृहमन्त्री नारायणकाजी श्रेष्ठले ऐक्यबद्धता जनाएका छन् ।
बुधबार माइतीघरमा प्रदर्शनकारीले निषेधित क्षेत्र तोड्न खोजेपछि प्रहरीले बल प्रयोग गरेको थियो । त्यसक्रममा कुशलब केसीलगायत घाइते भएका थिए ।
यसअघि बुधबार पनि सहकारी पीडित र प्रहरीबीच झडप भएको थियो । प्रदर्शनकारीले निषेधित क्षेत्र तोड्न खोजेपछि प्रहरीले बल प्रयोग गर्दा झडप भएको हो । सहकारी वचतकर्ता संरक्षण राष्ट्रिय अभियानको आयोजनामा विरोध प्रदर्शन भएको हो।
थापाथलीतिरबाट आएको प्रदर्शनकारीको जुलुसलाई नेपाली सेनाको मुख्यालय प्रवेश गेट नजिक प्रहरीले रोक्न खोज्दा झडप भएको थियो । केही दिनयता सहकारी पीडितहरु आन्दोलित भइरहेका छन् ।
