काठमाडौं । नेपाल समाजवादी पार्टीका अध्यक्ष तथा पूर्व प्रधानमन्त्री डा. बाबुराम भट्टराईले प्रधानमन्त्री केपी शर्मा ओलीका बुबा मोहनप्रसाद ओलीको शीघ्र र पूर्ण स्वास्थ्यलाभको कामना गरेका छन् ।
प्रधानमन्त्री ओलीका बुबा मोहनप्रसाद आज अस्पताल भर्ना भएका छन् । फोक्सोमा समस्या देखिएपछि ओलीका बुबा त्रिवि शिक्षण अस्पतालमा उपचाररत छन् । उपचाररत् ओलीको स्थास्थ्य लाभको कामना गर्दै भट्टराईले आफ्नो बुबालाई पनि आज वीर अस्पताल भर्ना गरिएको जानकारी गराएका छन् ।
‘हामीले पनि आफ्ना ९५ बर्षीय बुबालाई आज मात्रै वीर अस्पतालमा भर्ना गरेका छौं ! हामी नेपालीहरूको पनि औसत आयु क्रमशः बढ्दै गएको र ज्येष्ठ नागरिकहरूको संख्या स्वतस् बढ्दै जाने अवस्थामा छुट्टै ज्येष्ठ नागरिक अस्पताल अथवा त्यो नभएसम्म सबै अस्पतालहरूमा छुट्टै वार्डको व्यवस्था गरौं न’ उनले भनेका छन् ।
