काठमाडौं, १३ मंसिर । नेकपा (एकीकृत समाजवादी) का वरिष्ठ उपाध्यक्ष राजेन्द्र पाण्डेले कीर्तिपुर नगरपालिकाको प्रमुखमा नेकपा (माओवादी केन्द्र) का उम्मेदवार शिवशरण महर्जनलाई जिताउन अपील गरेका छन् । कीर्तिपुरमा आयोजित चुनावी सभालाई सम्बोधन गर्दै उनले शिक्षा, स्वास्थ्य र रोजगारीको क्षेत्रलाई सुधार गरेर समृद्ध कीर्तिपुर बनाउने लक्ष्य बोकेका माओवादीका उम्मेदवार महर्जनलाई जिताउन आग्रह गरेका हुन् । उनले महर्जनलाई अत्याधिक बहुमतले जिताउन आग्रह गरे ।
साथै, विशाल चुनावी सभालाई देख्दा माओवादीको उम्मेदवार महर्जनले चुनाव जितिसकेको भान भएको उनले सुनाए । नेता पाण्डेले माओवादीका नेता तथा कार्यकर्तालाई चुनावी माहोल जोगाएर राख्नसमेत आग्रह गरे ।
‘यो विशाल जनसमुदाय देख्दा १६ गतेसम्म पर्खिर बाक्सामा भोट हाल्नमात्रै बाँकी छ । चुनाव जितिसक्यौं भन्दा हुन्छ । म गाउँको किसानको छोरा हुँ । यस्तै चुनावमा भाषण गर्न हिँड्दा मैले भन्ने गर्थेँ– मकै पाकेको छ है, बाँदरले खाला । पाकेको मकै खाला । यो भोटको सुरक्षा गर्ने काममा पनि पार्टीका सबै साथीहरु लाग्नुस्,’– उनले भने । File Photo/RN
