काठमाडौं । युएईमा आजदेखि सुरु भएको एसीसी यू-१९ एसिया कपमा नेपालविरुद्ध पहिला ब्याटिङ गरिरहेको श्रीलंकाले राम्रो सुरुआत गरेको छ ।
टस हारेर पहिला ब्याटिङ गरिरहेको श्रीलंकाले १७ ओभरमा २ विकेट गुमाएर ७२ रन जोडेको छ । उसका लागि शरुजन षणमुगनाथनले २५ तथा भिमाथ दिनसाराले १४ रन जोडेर खेलिरहेका छन् । नेपालका लागि कप्तान हेमन्त धामी र नरेन भट्टले समान एक विकेट लिए ।
आठ देश सहभागी एसिया कपमा नेपाल समूह ‘बी’ मा छ। नेपालको समूहमा अफगानिस्तान, बङ्गलादेश र श्रीलङ्का छन्। समूह ‘ए’ मा आयोजक युएई, भारत, पाकिस्तान र जापान छन्।
पहिलो खेल श्रीलंकासँग आज खेल्न लागेको नेपालले दोस्रो खेल मंसिर १६ गते आइतबार बंगलादेशसँग खेल्नेछ। समूह चरणको अन्तिम खेलमा नेपालले मंसिर १८ गते मंगलबार अफगानिस्तानसँग प्रतिस्पर्धा गर्नेछ।
