काठमाडौं । नेपाल प्रिमियर लिग अन्तर्गत काठमाडौं गुर्खाजविरुद्ध शानदार जित निकाल्दै चितवन राइनोजले विजयी सुरुआत गरेको छ ।
काठमाडौंविरुद्ध चितवनले ५ विकेटको जित निकालेको हो । काठमाडौंले दिएको ११२ रनको सामान्य लक्ष्य चितवनले १७ ओभरमा ५ विकेट गुमाएर पूरा गर्यो ।
चितवनका सन्तोष कार्कीले २८ रन बनाउँदा लुक बेन्केनस्टाइनले २२ रन जोडे । यस्तै, हसन इसाखिलले १२ रन जोडेका छन् । काठमाडौंका शाहब आलमले तीन विकेट लिए ।
यसअघि टस हारेर पहिला ब्याटिङ गरेको काठमाडौंले चितवनलाई ११२ रनको सामान्य लक्ष्य दिएको थियो । किर्तीपुरस्थित त्रिवि मैदानमा काठमाडौंले २० ओभरमा ९ विकेट गुमाएर १११ रन बनाएको हो । काठमाडौंका लागि सुमित महर्जनले २९, माइकल लेभिटले २५ तथा शंकर रानाले १६ रन बनाए । डान डौथवेट १९ रनमा अविजित रहे । चितवनका लागि सोहेल तनविर एक्लैले ५ विकेट लिए ।
तानवीरले ४ ओभरमा २१ रन दिएर महत्वपूर्ण ५ विकेट चट्काउँदा अमर रौठेला,कुशल मल्ल र रिजन ढकालको नाममा समान एक विकेट रह्यो ।
