काठमाडौं । आइतबार भएको स्थानीय तह उपनिर्वाचनको मत परिणाम आउनेक्रम जारी छ । हालसम्म ३७ स्थानको मत परिणाम सार्वजनिक भइसकेको छ ।
यता हुम्लाको सर्केगाड गाउँपालिकाको उपाध्यक्ष पदको मतगणना सुरु भएको छ । आइतबार भएको उपनिर्वाचनअन्तर्गत सोमबार बिहानदेखि मतगणना थालिएको हो ।
प्रारम्भिक मतगणनामा नेपाली कांग्रेसका उमेदवार सविता बुढाले अग्रता कायम गरेकीमा अहिले उनी तेस्रो स्थानमा झरेकी छन् । निर्वाचन आयोगका अनुसार नेकपा एमालेकी उमेदवार जाना शाहीले २८६ मत प्राप्त गर्दा नेकपा माओवादी केन्द्रकी देवकी तिमल्सिनाले २२५ मत प्राप्त गरेकी छन् ।
नेपाली कांग्रेसकी सविता बुढाले २०९ मत प्राप्त गरी तेस्रो स्थानमा छन् । राष्ट्रिय प्रजातन्त्र पार्टी ९राप्रपा० की संगीता शाहीले १९ मत प्राप्त गरेकी छन् ।
