काठमाडौं । नेपाल प्रिमियर लिगको दोस्रो खेलमा लुम्बिनी लायन्स र विराटनगर किंग्सबीच प्रतिस्पर्धा हुँदैछ । त्रिवि मैदानमा दिउँसो १ बजेबाट सुरु हुने खेलमा विराटनगरले टस जितेर पहिले बलिङ रोजेको छ । राष्ट्रिय टिमका कप्तान रोहित पौडेलको कप्तानीमा मैदानमा उत्रिएको लुम्बिनी लायन्सले पहिले ब्याटिङ गर्नेछ ।
लगातार दुई खेल हारेको विारटनगर पहिलो जितको खोजीमा छ । लुम्बिनी लिगको पहिलो खेल खेल्दैछ ।आफ्नो पहिलो खेलमा विराटनगर जनकपुर बोल्ट्ससँग ८ विकेटले पराजित भएको थियो । त्यस्तै, दोस्रो खेलमा सुदूरपश्चिम रोयल्सले विराटनगरविरुद्ध ९० रनको जित निकालेको थियो ।
उता लुम्बिनी भने एनपीएलको पहिलो खेलका लागि मैदानमा उत्रन लागेका हुन् । लुम्बिनीको मार्की खेलाडी नेपाली राष्ट्रिय टिमका कप्तानसमेत रहेका रोहितकुमार पौडेल हुन् । त्यस्तै, विराटनगरका मार्की खेलाडी सन्दीप लामिछाने हुन् ।
रोहित राष्ट्रिय टिमका वर्तमान कप्तान हुन् भने सन्दीप् पूर्व कप्तान हुन् ।
