काठमाडौं, २१ मंसिर । प्रधानमन्त्री केपी शर्मा ओली नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ की नातिनी स्मिता दाहालको विवाह समारोहमा सहभागी भएका छन् ।
काठमाडौंको गोकर्णमा रहेको ग्राण्ड नोर्लिङ रिसोर्टमा आयोजित विवाह समारोहमा प्रधानमन्त्री ओली ढिला गरी पुगेका हुन् । प्रचण्ड भने सुरुदेखि नै विवाह समारोहमा उपस्थित् छन् ।
प्रधानमन्त्री ओलीसँग प्रचण्डले लामो समय भलाकुसारी गरेका थिए । चीन भ्रमणबाट फर्किएपछि सार्वजनिक समारोहमा प्रचण्ड–ओलीको यो पहिलो भेट हो । यसअघि परराष्ट्रमन्त्री डा.आरजु राणा देउवा विवाह समारोहमा सरिक भएकी थिईन् । स्मिताले काठमाडौंको बबरमहल निवासी प्रेमी सायुज्य श्रेष्ठसँग विवाह गरेकी हुन् ।
