काठमाडौं । नेकपा एमालेको सचिवालय बैठक आज बस्दैछ । दिउँसो ४ बजेका लागि एमालेले सचिवालय बैठक बोलाएको हो ।
सचिवालय बैठकमा प्रधानमन्त्री एवं एमाले अध्यक्ष केपी शर्मा ओलीको चीन भ्रमणबारे जानकारी, उपनिर्वाचनको समीक्षा, पार्टीको आन्तरिक तथा समसामयिक राजनीतिक विषयमा छलफल हुने एमालेले जनाएको छ ।
यता गृह जिल्ला झापा पुगेका एमाले अध्यक्ष तथा प्रधानमन्त्री केपी शर्मा ओली भने काठमाडौं आउन सकेका छैनन् । मंगलरबार बिहानै काठमाडौँ फर्किने तालिका भए पनि मौसम खराब हुँदा प्रधानमन्त्रीको काठमाडौँ फिर्तिमा ढिलाइ भएको उनको सचिवालयले जनाएको छ।
काठमाडौँ फर्किन ओली अहिले भद्रपुर विमानस्थलमा पुगेका छन्। पौने १० बजेको उडानबाट काठमाडौँ फर्किने तालिका भए पनि भद्रपुर क्षेत्रमा बाक्लो हुस्सु लागेको कारण अहिलेसम्म हवाई उडान हुन सकेको छैन। आइतबार र सोमबार झापामा रहँदा ओली आठवटा औपचारिक कार्यक्रममा सहभागी भएका उनको सचिवालयले जनाएको छ।
