काठमाडौं । नेपाल नर्सिङ संघको अध्यक्षमा प्राध्यापक चन्द्रकला शर्मा निर्वाचित भएकी छन् । गत शुक्रबार भएको निर्वाचनमा नेकपा एमाले र नेकपा माओवादी केन्द्रको साझा गठबन्धनकी उम्मेदवार शर्मा भारी मतले निर्वाचित भएकी हुन् ।
अध्यक्ष चुनिएकी शर्माले २ हजार १०५ मत प्राप्त गर्दा गंगा थापाले १३७९ मत पाएकी छन् । त्यस्तै उाध्यक्षमा रमेश सुब्बा निर्वाचित भएका छन् । संघको शुक्रबार भएको एमाले र माओवादीनिकटको गठबन्धनले चन्द्रकला शर्माको नेतृत्वमा प्यानल घोषणा गरिएको थियो।
यस्तै सत्तारूढ नेपाली कांग्रेस र प्रतिपक्षी नेकपा (एकीकृत समाजवादी) निकटबीच पनि गठबन्धन भएको थियो। उक्त गठबन्धनबाट एकीकृत समाजवादीनिकट गंगाकुमारी थापा नेतृत्वमा प्यानल घोषणा गरिएको थियो।
यसैगरी, उपाध्यक्षमा बबिता घिमिरे २ हजार ११ मत ल्याएर विजयी हुँदा प्रतिस्पर्धी मनिषा कोइरालाले १ हजार ५७० मत प्राप्त गरिन्।
महासचिवमा डा. देवकाकुमारी आचार्य एक हजार ७३३ मतसहित विजयी भइन् भने प्रतिस्पर्धी मीनाकुमारी कार्कीले एक हजार ३४७ र जानकी धामीले ६२२ मत प्राप्त गरिन्।
