काठमाडौं । नेपाल प्रिमियर लिगको दोस्रो क्वालिफायर खेलमा जनकपुरविरुद्ध कर्णालीले सुरुमा ब्याटिङ गर्ने भएको छ । जनकपुर बोल्ट्सले टस जितेर बलिङ रोजेको छ । भने कर्णाली याक्सलाई ब्याटिङको निम्तो दिएको छ ।
कर्णालीले बुधबारको इलिमिनेटर खेलमा चितवन राइनोजलाई हराएको थियो । जनकपुर भने सुदूरपश्चिम रोयल्ससँग पराजित भएको थियो । यो खेलमा विजयी हुने टोलीले उपाधिका लागि सुदूरपश्चिम रोयल्ससँग खेल्नेछ ।
यसअघि हिजोको खेलमा जनकपुरलाई हराउँदै सुदूरपश्चिम पहिलो संस्करणको नेपाल प्रिमियर लिग (एनपीएल) क्रिकेटको फाइनलमा पुगेको हो ।
हिजोको खेल हारे पनि जनकपुरले फाइनल पुग्न अर्काे मौका पाएको छ । हिजै भएको इलिमिनेटरमा चितवन राइनोजलाई हराउँदै कर्णाली दोस्रो क्वालिफायरमा पुगेको हो । प्रतियोगिताको फाइनल खेल पर्सि शनिवार हुनेछ ।
