काठमाडौं । नेपाल प्रिमियर लिगको उपाधिको लागि सुदूरपश्चिम रोयल्सले जनकपुर बोल्ट्सलाई १८५ रनको चुनौती पेश गरेको छ ।
त्रिवि क्रिकेट मैदानमा टस जितेर पहिले ब्याटिङ गरेको सुदूरले निर्धारित २० ओभरमा ९ विकेट गुमाएर १८४ रन जोड्यो ।
सुदूरका लागि ओपनरद्धय सैब अलि जैब र विनोद भण्डारीले शानदार सुरुआत दिलाए । पहिलो विकेटका लािग शतकीय साझेदार गरेका यी दुईमध्ये जैव ६९ रनमा र भण्डारी ४१ रनमा आउट भए ।
४३ बलको सामना गरेका जैबले ८ चौका र २ छक्का हिर्काउँदा ३१ बलमा १ छक्का र तीन चौका हिर्काएका विनोदले ४१ रन जोडे ।
हर्मित सिंह र ब्रान्डन म्याकमुलेन समान १४ रनमा आउट हुँदा कप्तान दीपेन्द्रसिंह ऐरीले ९ तथा स्कट कुगेलेइनले १३ रन जोडे । बलिङमा जनकपुरका किशोर महतो र म्होमद महसीनले समान ३ तथा ललित राजवंशी र जिमि निसमले समान १ विकेट लिए ।
एनपीएलको विजेताले १ करोड १० लाख रूपैयाँ प्राप्त गर्ने छन् भने उपविजेताले ५१ लाख प्राप्त गर्नेछ । साथै प्रतियोगिताका उत्कृष्ट नेपाली खेलाडीले कार पुरस्कार पाउने छन् ।
