फाइनलमा सुदूरपश्चिमसँग बदला लिँदै एनपीएलको च्याम्पियन बन्यो जनकपुर, हात पार्‍यो ट्रफिसहित १ करोड १० लाख

काठमाडौं । समूह चरण र पहिलो क्वालिफायरमा भोगेको हारको बदला लिँदै जनकपुर बोल्ट्सले नेपाल प्रिमिय लिग (एनपीएल) को उपाधि जितेको छ । आज भएको फाइनल खेलमा जनकपुरले सुदूरपश्चिम रोयल्सलाई ५ विकेटले पाखा लगाएको हो ।

उपाधिसँगै जनकपुरले सुदूरसँग यसअघिको हारको बदलासमेत लिएको छ । लिग चरणमा जनकपुर ७२ रनले र पहिलो क्वालिफायरमा ८ विकेटले सुदूरपश्चिमसँगको खेल गुमाएको थियो।