काठमाडौं । भक्तपुरमा दुई जना मृत फेला परेका छन् । सुर्यविनायक नगरपालिकाको बालकोटामा एउटै घरमा बाबु छोरा मृत फेला परेका हुन् ।
खोटाङको दिक्तेल रुपाकोट मझुवागढी नगरपालिका घर भई सूर्यविनायक नगरपालिका-२ बालकोट बस्दै आएका ५६ वर्षका कुलप्रसाद आचार्य र उनका २२ वर्षका छोरा प्रविन आचार्य मृत फेला परेका हुन्।
उनीहरु छुट्टाछुटै २ वटा कोठामा बाहिरबाट ताला लगाएको अवस्थामा मृत भेटिएको प्रहरीले जनाएको छ ।
बाबु छोरा मृत फेला परेको घरमा उनीहरुका जेठा छोरा पनि बस्ने गरेको खुलेको प्रहरीले जनाएको छ । उनी हाल वेपत्ता छन् ।
