काठमाडौं, ९ पुस । सूर्यदर्शन सहकारी ठगी प्रकरणमा पक्राउ परेका रवि लामिछानेको बयान आजपनि नहुने भएको छ । सरकारी वकिलको कार्यालय कास्कीले सूर्यदर्शन सहकारी ठगी प्रकरणमा संलग्न रहेको आरोपमा ५१ जनाविरुद्ध अभियोग दर्ता गराएको थियो । अभियोग दर्ता भएसँगै हिजोबाट बयान सुरु भएको छ ।
हिजोदेखि गोर्खा मिडिया नेटवर्कका तत्कालीन सञ्चालक एवं नेपाल प्रहरीका पूर्व डीआईजी छविलाल जोशीको बयान भइरहेको थियो । आज जोशीको बयान सकिएसँगै लिला पछाईंको बयान सुरु भएको छ ।
आजबाट रवि लामिछानेको बयान हुने अनुमान थियो । तर, लामिछानेको बयान सुरु हुन अझै केही दिन लाग्ने बताइएको छ । जिल्ला न्यायाधीश नीतिज राईको इजलासमा बयान जारी छ । लामिछाने गत कार्तिक २ गतेदेखि प्रहरी हिरासतमा छन् ।
