काठमाडौं, १३ पुस । नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ लाई कञ्चनपुरको पुनर्वासमा भव्य स्वागत गरिएको छ ।
भ्रष्टाचारविरुद्धको खबरदारी सभालाई सम्बोधन गर्न अध्यक्ष प्रचण्ड आज पुनर्वास पुगेका हुन् । प्रचण्डको स्वागतका लागि पार्टीका नेता तथा कार्यकर्ता, बुद्धिजीवी र स्थानीयहरुको बाक्लो उपस्थिति रहेको थियो ।
पुनर्वासमा पुगेका प्रचण्डले सहिद गोविन्द गौतमको सालिकमा माल्यार्पणसमेत गरेका छन् ।
