काठमाडौं । प्रधानमन्त्री केपी शर्मा ओली पर्सा पुगेका छन् । नेपाली सेनाको हेलिकोप्टरमा ओली पर्सा पुगेका हुन् ।
पर्साको सखुवाप्रसौनी गाउँपालिकामा एमालेले आज पार्टी प्रवेश कार्यक्रमको आयोजना गरेको छ । सो कार्यक्रममा सहभागी हुन ओली त्यता लागेका हुन् । पालिकाका पूर्व अध्यक्ष प्रदीप जैसवाल आज एमालेमा प्रवेश गर्दैछन् । जसपा नेपालबाट ०७४ सालमा अध्यक्ष जितेका उनी एमालेमा आउन लागेका हुन् ।
एमालेमा प्रवेश गर्न लागेका जैसवालका दाजुर प्रमोद हाल प्रदेश सरकारका खेलकुद तथा समाज कल्याण मन्त्री छन् । चुनावमा स्वतन्त्रबाट उठेर सांसद जितेका उनी मन्त्री नियुक्त हुनुअघि एमाले बनेका थिए ।
