काठमाडौं । काठमाडौं महानगरपालिकाका मेयर बालेन शाहले महानगरका संस्थापक मेयर पीएल सिंहको शालीक बनाउने घोषणा गरेका छन् ।
महानगरपालिकाको १६ औं अधिवेशनमा प्रमुख शाहले पीएल सिंहको पूर्ण कदको शालिक राष्ट्रिय सभागृह परिसरमा निर्माण गर्ने घोषणा गरेका हुन् ।
सिंहको १ पुसमा उनको निधन भएको थियो । प्रजातन्त्र पुनःस्थापना भएपछि भएको स्थानीय निर्वाचनबाट पहिलो प्रमुखका रुपमा निर्वाचित भएका थिए ।
