काठमाडौं । प्रधानमन्त्री केपी शर्मा ओली र श्रीलंकाका पूर्वराष्ट्रपति रनिल विक्रमासिङ्घेबीच आज भेटवार्ता भएको छ । पूर्वराष्ट्रपति विक्रमासिङ्घेले प्रधानमन्त्री ओलीलाई बालुवाटार पुगेर भेट गरेका हुन् ।
भेटमा दुई देशबीचको आपसी सम्बन्ध र परस्पर हितका विविध पक्षमा कुराकानी भएको प्रधानमन्त्रीको सचिवालयले जनाएको छ । प्रतिनिधिसभा सदस्य एवं वरिष्ठ उद्योगपति विनोद चौधरीसमेत भेटमा सहभागी थिए ।
विक्रमासिङ्घे प्रधानमन्त्री ओलीका एक पुराना मित्र पनि हुन् । यही पुस १३ गते कांग्रेस सांसद चौधरीको निमन्त्रणमा उनी नेपाल भ्रमणमा आएका थिए । उनी आजै स्वदेश फर्किने कार्यक्रम छ ।
